马尔代夫超强海洋生态平价渡假村 @ Eriyadu Island Resort Maldives - 卡夫环礁 - 出发吧｜旅魔头的博客

今次马尔代夫双岛游，最后两晚就系入住 Smartline Eriyadu Resort～价钱超震撼！$1052 HKD ^{(CNY 988)} 一晚两位海景房包早晚自助餐（含税）！简直布吉都冇咁平😝我觉得起码要住三晚💯 我选择最 cheap 嘅房型 standard room，佢另有 deluxe room 系单幢屋仔，会贵啲。个人觉得冇必要，standard room 虽然外观睇系两层 building ，但系每一间都望海！楼下行出去就系沙滩🏖️楼上就无敌海景！

以下简单讲下佢有咩优点:

超平，$1052 HKD ^{(CNY 988)} 双人房仲要包早晚两餐自助餐，日本都做唔到了吧～（我check agoda旺季11月开始会贵多几百蚊）
潜水A级岛，超强海洋生态，讲紧码头落船已经见到几条护士鲨喺船底游，码头位置已经充满珊瑚，唔使落水已经睇到超多唔同品种嘅彩色鱼
成个岛都可以浮潜，冇任何一部份唔可以游（Thulhagiri 岛有一半不可游，又浪大），Eriyadu 超多鱼睇，有两款鲨鱼，海龟，stingray 等等大鱼，同埋各种彩色珊瑚鱼，超级精彩！外面一整圈都系珊瑚礁，环岛游一圈要两日，我每日都游起码两个钟，游足三日先兜咗一个圈（我已经算系游得好快）
水面风平浪静无浪，好容易游，新手浮潜非常适合，沙滩已经超多鱼，游几步就到珊瑚礁断崖(最多鱼睇嘅位置)，比 Thulhagiri 强超多
每日下午15:30-16:00，码头会几条护士鲨集结，大家可以码头落水同佢地一齐游水，又或者岸上面睇！净系呢个活动已经值回票价（免费的）
自助餐食物款式虽然唔多，但系味道好
服务态度优秀
冇咁近机场，少啲污染
每晚有免费活动，我哋其中一晚玩左 DJ night，几过瘾
基本上冇其他活动需要参加，因为净系游水同埋浮潜已经好忙😂不过我都参加左一日钓夜鱼🎣$55.5 USD ^{(CNY 405)}（税后）