第比利斯登山纜車🚡
@ Tbilisi Funicular თბილისის ფუნიკულორი

之前一星期太多唔高興嘅新聞，所以罷寫左幾日無update👩🏿我依家已經係行程嘅第20日，已經玩完格魯吉亞、亞美尼亞，去到左伊朗🇮🇷伊朗都玩到尾聲，好啦，等我再慢慢寫返～ 續上一篇，講第五日下半部行程，去完mtskheta之後返回首都第比利斯中心，就去坐登山纜車上山頂觀賞全城景色同埋睇日落🌄 第比利斯登山纜車建於1905年，由avlabari地鐵站出去就見到纜車站，收費$2.5GEL ^{(HKD 7)}一人+$2GEL ^{(HKD 6)}儲值卡(可多人用一張），都幾平，大約6人一車，車廂透明設計，景觀唔錯！車程唔長，大約兩三分鐘就到山頂，沿途經過古城，到山上就可以俯瞰到成個old city同埋庫拉河，仲有金頂聖三一教堂、喇叭形歌劇院及流線形嘅和平橋，全部都可以一覽無遺👀 建議坐單程纜車上山，參觀格魯吉亞母親像、narikala fortress（山頂仲有cafe，仲有一個植物園)，睇完之後步行落山，就可沿斜路行返落古城～ 另外建議日落時份上去，因為天色好影相好睇d，而且唔會太熱太曬😛

進度好慢，又唔係好翻到牆上Facebook ，仲有十五日嘅野未寫😅好啦，慢慢補返～

是日消費

D5 3/6第比利斯 Guesthouse shota去巴士站的士$4GEL ^{(HKD 11)} 巴士去第比利斯$6x3=18GEL ^{(HKD 50)} Yandex taxi去hostel$5GEL ^{(HKD 14)} Hostel 住宿費用$74GEL ^{(HKD 205)} 午餐$30GEL ^{(HKD 83)} 十字修道院車費$16GEL ^{(HKD 44)} 生命支柱主教座堂及返回第比利斯纜車站車費$20GEL ^{(HKD 55)} 纜車$9.5GEL ^{(HKD 26)} 搭車去食壽司$5GEL ^{(HKD 14)} 壽司$80GEL ^{(HKD 221)} 熱茶三杯$11.7GEL ^{(HKD 32)} 搭車返hostel$6GEL ^{(HKD 17)} Total:279.2GEL ^{(HKD 772)} =$790hkd/3= 人均消費$264hkd