第比利斯登山缆车🚡
@ Tbilisi Funicular თბილისის ფუნიკულორი

之前一星期太多唔高兴嘅新闻，所以罢写左几日无update👩🏿我依家已经系行程嘅第20日，已经玩完格鲁吉亚、亚美尼亚，去到左伊朗🇮🇷伊朗都玩到尾声，好啦，等我再慢慢写返～ 续上一篇，讲第五日下半部行程，去完mtskheta之后返回首都第比利斯中心，就去坐登山缆车上山顶观赏全城景色同埋睇日落🌄 第比利斯登山缆车建于1905年，由avlabari地铁站出去就见到缆车站，收费$2.5GEL ^{(CNY 7)}一人+$2GEL ^{(CNY 5)}储值卡(可多人用一张），都几平，大约6人一车，车厢透明设计，景观唔错！车程唔长，大约两三分钟就到山顶，沿途经过古城，到山上就可以俯瞰到成个old city同埋库拉河，仲有金顶圣三一教堂、喇叭形歌剧院及流线形嘅和平桥，全部都可以一览无遗👀 建议坐单程缆车上山，参观格鲁吉亚母亲像、narikala fortress（山顶仲有cafe，仲有一个植物园)，睇完之后步行落山，就可沿斜路行返落古城～ 另外建议日落时份上去，因为天色好影相好睇d，而且唔会太热太晒😛

进度好慢，又唔系好翻到墙上Facebook ，仲有十五日嘅野未写😅好啦，慢慢补返～

是日消费

D5 3/6第比利斯 Guesthouse shota去巴士站的士$4GEL ^{(CNY 11)} 巴士去第比利斯$6x3=18GEL ^{(CNY 48)} Yandex taxi去hostel$5GEL ^{(CNY 13)} Hostel 住宿费用$74GEL ^{(CNY 196)} 午餐$30GEL ^{(CNY 79)} 十字修道院车费$16GEL ^{(CNY 42)} 生命支柱主教座堂及返回第比利斯缆车站车费$20GEL ^{(CNY 53)} 缆车$9.5GEL ^{(CNY 25)} 搭车去食寿司$5GEL ^{(CNY 13)} 寿司$80GEL ^{(CNY 212)} 热茶三杯$11.7GEL ^{(CNY 31)} 搭车返hostel$6GEL ^{(CNY 16)} Total:279.2GEL ^{(CNY 738)} =$790hkd/3= 人均消费$264hkd