五、傳說的朝鮮冷麵

食下中途見到導遊食緊韓式伴飯同埋熱湯麵，之後問佢地先知原來要加錢叫，難得黎到北韓，加幾多錢都要試下，於是叫左韓式伴飯同傳說的朝鮮冷麵，每道菜都係幾十蚊人仔。 韓式伴飯首先黎到，望落同南韓食開差唔多，唯一唔同係加左牛蒡。由於牛芳個質感比較硬同埋有渣，所以送飯唔係咁夾，而其他的配料同平時食開的差唔多。反而想講少少個醬，相信大家都知平時食開韓式辣醬，雖然唔係辣椒醬，但都會感受到少少辣味。但是呢度伴飯的醬汁近似甜醬，唔算唔好食，但食落去始終同平時的味道唔同。 之後就係萬眾期待的朝鮮冷麵，導遊說他們朝鮮人將冷麵視為上品，生日、祝壽或者與心上人結婚前就會食冷麵，因為朝鮮的愛情觀比較保守，因此佢地好少同其他異性一齊食冷麵，。朝鮮冷麵由蕎麥或小麥製造，麵條比較幼且滑，不過唔夠彈牙兼有點過淋。而肉片比較嚡且無味，反而湯汁有驚喜，帶少許肉味，加上味道帶酸同生果的甜味，所以比較開胃。 食完飯，當然要啤啤佢。北韓啤酒唔算好重麥味同酒味，又係飲落有甜味。我覺得主要有兩個原因，第一個係佢種的小麥或大麥沒有控制糖粉，所以發酵後仍然未有將所有糖變成酒精而令味道變甜。其次係釀酒設備唔夠完善，所以係發酵的過程未完成，所以剩低不少糖分。