沈醉佐賀牛的味道
@ 佐賀牛燒肉 季樂本店 佐賀牛レストラン 季楽 本店

佐賀牛的知名度雖然比唔上關西三大和牛，但出名多油花，入口即融。不過，大家要留意佐賀牛原來分兩種，佐賀牛同佐賀縣產牛，而呢兩者會以等級黎評定。 簡單黎講，前者係高A4級至A5級，後者係A2至低A4級。咁你之後又問，點解會有分高A4同低A4級，呢個其實好多人忽略的BMS 分數，主要係睇油花，分數分為12級，A5和牛最少要拎8級。而佐賀牛最少有7級，所以質素係A4級中最頂級了。所以大家食佐賀牛前要問清楚，尤其係香港食，質素可以差好遠。 講番季樂，傳聞好多時開門就會坐爆要等位。原來傳聞係真，11點半開門，我地11點8去就已經無晒位，因為之後趕JR，最後揀shared枱。和牛一上枱只係望油花都覺吸引，之後燒0固下油分迫晒出黎的香味流晒口水。小弟雖然未食晒所有和牛，但都食過幾次A5，以佐賀牛最可以感受到入口即融的感覺。其次係蔬菜都好鮮甜，最後送上甜品為呢餐劃上完美句號！