现职空姐，工余时间不停去旅行，捐窿捐罅四围走
2019年11月29日
几千蚊平玩马尔代夫一星期小攻略 - 传统度假村篇
个个都问我点样可以穷玩马尔代夫，呢几年我都穷游左几次马代，所以今日就详细啲讲一讲。简单来说有两种方法，方法一平玩，方法二穷游~
方法一（budget 约 $6000 HKD (CNY 5,636) 一星期，所有消费唯一不含机票)：
传统方式，住一岛一resort渡假村，不过选择近嘅同埋平嘅岛。非旺季去一星期可以控制到 $6000 HKD (CNY 5,636) 内（不含机票），呢种方法只可以讲系平玩，未谈得上穷游～好处就系包餐，同享受hea resort嘅乐趣~仲可以选择有水上屋嘅渡假村添..
方法二：(budget 约 $3000 HKD (CNY 2,818) - 4000 HKD (CNY 3,757) 一星期，不含机票)
入住居民岛，岛上有林林总总小型旅馆民宿之类($300 HKD (CNY 282) - 500 HKD (CNY 470) 一晚双人房都有不少选择)，再由旅馆帮你安排活动，活动包括有:浮潜、睇海豚🐬、sand bank tour、无人岛、夜钓及到resort一日游等。一星期budget 约$3000 HKD (CNY 2,818) - 5000 HKD (CNY 4,696)（好睇吓你会参加啲咩活动，我上次就一星期用咗$3000食住活动），好处就系活动多元化d，但系住宿条件就基本啲唔好有啲咩要求，就冇resort嗰种高级感，岛本身无咁好hea，但胜在活动多同平价~
序
阳光与海滩我嚟喇☀️🏝
出发喇！椰林树影水清沙幼嘅马尔代夫，我又来了😝
过咗唔平静嘅两个月，终于放大假出去抖下气，今次系我第N次去马代，唔计返工停留嗰几次，之前两次放假去渡假嘅马尔代夫之旅都系住cheap cheap居民岛，一次系穷游居民岛maafushi ，另一次系早两年带埋父母去居民岛Hangnaameedhoo，一个星期都只系洗咗$3000hkd😛
马尔代夫真系好好玩！去好多次都唔厌，海岛假期来讲真系冇得输~
今次玩法唔同喇，今次我玩豪d，住返传统嘅一岛一resort，不过系最平价嘅resort，住宿条件上虽然豪华（我都冇要求），但系珊瑚礁质素系属于A级，最适合去浮潜睇鱼！
今次一行九人（又超多人😅），八日行程会玩两个唔同嘅resort岛～budget约$6000hkd一星期🤗带左唔少嘢饮嘢食，悭返啲钱~
好喇唔写，上机了👋🏻之后再汇报✌🏻
伊朗游记仲未完仲有两三篇，都系之后再续~
(配图系之前嘅穷游马代影嘅)
先讲方法一：平玩resort
马尔代夫系由好多个小岛组成，传统马尔代夫玩法就系住一岛一渡假村，价钱方面有好多唔同档次，有高级有平价，配套及环境各有不同。贵嘅我唔讲，因为我系穷L唔会住~
先讲一个重点，平resort都有d选择嘅，但交通系一个好重要嘅考虑，如果日数唔系太多，想悭钱就一定要住距离机场唔太远嘅 North Male Atoll / South male Atoll / Ari Atoll，重点就系能够坐快艇到达（快艇一般系 $100 USD (CNY 730) - 200 USD (CNY 1,459) /人，其实都唔系平），因为岛一远需要坐水上飞机/转内陆机嘅话，交通成本就会多二千蚊左右一个人~
交通方面如果人多嘅话直头可以自己包一条快艇，唔用酒店本身嘅船，咁样交通费就可以更加平！举个例子，好似我今次住两个唔同嘅resort，Thulhagiri +eriyadu ，本来交通费要每人 $100 USD (CNY 730) + 150 USD (CNY 1,094) 来回，由于我有九个人，我就自己包左只快艇🚤就算去两个岛，合 共$147 USD (CNY 1,072) /人，足足每人悭左$100 USD (CNY 730) 有多~（大前提系要有咁多人先得😂）
再讲下有乜平resort选择（我平嘅定义系 $2000 HKD (CNY 1,879) 以下双人房，包所有税项附加费+早餐及晚餐🥣）
浮潜出名好嘅岛有:
- Smartline eriyadu 早晚 $1061 HKD (CNY 997) /晚 快艇 $150 /人
- Fihalhohi island resort 早晚 $1246.8 HKD (CNY 1,171) /晚 快艇 $150 USD (CNY 1,094) /人
- Biyadhoo island resort 中午晚 $1119 HKD (CNY 1,051) /晚 快艇
- Bandos Maldives
- Thulhagiri island resort & spa 早晚 $1598 /晚 快艇 $100 USD (CNY 730) /人
- Embudu village resort
- Ellaidhoo Maldives by Cinnamon
- Kurumba Maldives
- Adaaran club rannalhi
- Paradise island resort
由于我今日先系平玩嘅第四日，仲未有总支出实数，而家估计一星期总消费 $5000 HKD (CNY 4,696) - 6000 HKD (CNY 5,636)，机票我asiamiles换，所以千几蚊啫（机票有时特价正价都系二千几）..玩完再详细汇报确实洗咗几多钱啦
另外想知有关居民岛有咩玩，可以睇返我旧网志文章（ https://m.xuite.net/blog/kwokjoanne/hkblog ），之前曾经有写 maafushi 岛，居民岛其实有好多个，我第二次去去咗 hangnaameedhoo（未写返😝）~仲有 gulhi 等等，都有不少选择，其中最受欢迎都系 maafushi ～
总结嚟讲，马尔代夫并冇世人想像中咁贵，平民都玩得起！两种平玩嘅方式各有好处，要睇返你有咩要求同budget~再选取返适合嘅方法~
八日六晚双岛游 - 消费明细大公开
八日马尔代夫之旅终于完结，挂住玩之后返嚟又忙返工，都冇时间上嚟update下，依家终于计埋条数，可以喺度同大家分享下～六晚总消费系$6351hkd~整体来说性价比超高！（不含机票，因为个个机票唔同价钱，我asiamiles换就千几，同行朋友最贵买airasia就$3000）
再讲多次今次并唔系住超平嘅居民岛，我要瞓醒一擘大眼就要见到海👀所以入住两间cp值超高嘅平resort，合共入住左三间唔同嘅酒店，全部都系Agoda订(比较左好多个平台佢最平)🏨一晚机场岛，三晚Thulhagiri island resort (一晚水上屋，两晚沙滩屋)，两晚smartline eriyadu resort～
两个岛都非常值得推介，首先距离机场唔算太远坐船可以到达，悭返d交通费唔使坐水上飞机咁贵~
第二Thulhagiri同eriyadu非常适合钟意水上活动嘅朋友~两个岛都系潜水属于A级嘅岛，house reef好好，鱼群品种繁多，岛上浮潜都超多鱼睇，完全唔需要再花钱出去参加浮潜tour，珊瑚礁范围好大，要游几日先睇得完~呢方面同行八个朋友都非常满意，日日都浮潜睇到唔同嘅海洋生物~鲨鱼海龟魔鬼鱼等等...海洋世界充满惊喜!
第三就梗系价钱平啦，尤其eriyadu，海洋生态非常好，码头就可以见到好多鲨鱼~双人房一晚都只系$1052 HKD (CNY 988)，仲要包早晚两餐buffet(食两餐buffet都几百蚊了吧，五百几蚊一人一晚，其实真系好平)！不过佢唯一唔好处就系冇水上屋(唔追求豪华，钟意玩活动嘅呢样其实唔重要😛）
Thulhagiri就有属于比较平嘅水上屋，$2778 HKD (CNY 2,609) 一晚，都系早晚两餐buffet~水上屋的确系比较特色嘅，房间全海景，行出去有露台可以直接落水~值得体验一晚！不过其实佢沙滩屋一样咁正，直接望住个海滩，一样行出去就落到水，都只系$1596 HKD (CNY 1,499) 一晚两位包两餐~
悭钱小贴士
-选择half board包早晚两餐丰富嘅自助餐，午餐自己准备响房食(我有半个喼都系食物同埋饮品），带定啲干粮呀杯面福面罐头等等食物，下午可以食得随便啲嘅～ -浮潜三宝及救生衣/水泡自己淘宝买定，上岛租要十几蚊美金一日 -岛上一日有提供两支细水，但系唔够饮，所以上岛前响机场买定几支大水，带上岛慢慢饮 -晚餐buffet都系唔包饮品，岛上酒水都比较贵，例如可乐要$4美金，即系差唔多$30HKD (CNY 28)一罐可乐，所以自己买上去，忍一阵返房饮啦😛有关交通
补充多两句先，因为我人多所以我先独立包左一条船，冇使用酒店嘅船，机场去Thulhagiri $200usd+Thulhagiri 去eriyadu$500usd+eriyadu返机场$500USD (CNY 3,648)。 呢个系人多嘅做法~同时我亦方便转岛，唔使坐多一程返机场。 但系如果冇咁多人，就可以坐返酒店本身提供嘅船，Thulhagiri 来回机场系$100USD (CNY 730)一位，eriyadu来回机场系$175USD (CNY 1,277)一位，所以都未至于系天价嘅~两程加埋都系2000HKD (CNY 1,879)多少少，都算可以接受，不过如果人少日数又唔多，想悭钱嘅话就住一间resort，咁就唔使比两间酒店嘅船费～ 总结嚟讲，马尔代夫其实冇想像中咁贵，同去一次日本差唔多价钱，但系嗰一片海真系无得输～真系百去不厌！马尔代夫8日6夜消费明细
六晚住宿费用:(total$4280 HKD (CNY 4,020)) 机场岛酒店Coral queen inn双人房$62USD (CNY 452)含早餐$31USD (CNY 226)/人=$243HKD (CNY 228) Thulhagiri水屋一晚 双人房含早晚餐$12499.44四间房/9人=$1389HKD (CNY 1,305) Thulhagiri 沙屋两晚 双人房含早晚餐 $14358.16四间房/9人=$1596HKD (CNY 1,499) Eriyadu沙屋两晚 双人房含早晚餐 $8415.77四间房/8人=$1052HKD (CNY 988) 交通：(total$1181HKD (CNY 1,109)) 三程包船费$1200USD (CNY 8,755)/9=$148USD (CNY 1,080) (*我哋包左一条船，如果人唔多就使用返酒店嘅船会平啲，Thulhagiri $100USD (CNY 730)/人来回，eriyadu$175USD (CNY 1,277)来回，详情参考返上面交通部份） 第一晚机场去机场岛酒店的士$13USD (CNY 95)/9人=12HKD (CNY 11) 第二日机场岛去码头$10USD (CNY 73)/9人=$9HKD (CNY 8) 杂费：(total$890HKD (CNY 836)) 第一晚机场晚餐thai express$25USD (CNY 182)/2 =$98/人 第二日上岛前买饮品$3USD (CNY 22)/2人=12HKD (CNY 11) 多日合共小费$4USD (CNY 29)/人 =31HKD (CNY 29) 最后一晚机场晚餐Thai express $13USD (CNY 95)=102HKD (CNY 96) Eriyadu 岛出海钓鱼活动$55.5USD (CNY 405)=$442HKD (CNY 415) 钓鱼煮鱼午餐加工费$18/8人=$18HKD (CNY 17) Late checkout 费用$49.28USD (CNY 360)/4人(最后一个下午，只留下两个房间休息及冲凉用)=$98HKD (CNY 92) Eriyadu午餐$22.17USD (CNY 162)/2=$88HKD (CNY 83) 机票:($1306HKD (CNY 1,227)) Hkg-mle(hx) $330(航空公司职员价钱，呢个单程价钱未能提供参考) Mle-hkg(cx asiamile)$976HKD (CNY 917) 全程总消费:$7647HKD (CNY 7,182) 之后我会分两篇再介绍下呢两个resort~~| 下一篇 | : |