[day 1] 马耳他三蓝之一 - Blue Grotto 蓝洞 + 丁利悬崖日落
@ 蓝洞 Blue Grotto

今次旅行我哋采用嘅方式系-搭巴士🚌 搭巴士环游马耳他系可行嘅，而且非常化算～机场可以买到七日巴士任坐卡，€21 ^{(CNY 159)}任搭。不过大前提系你要有时间，举个例子，从我哋入住嘅斯利马市区前往蓝洞，如果自驾车程只系26分钟，但系坐巴士因为要转车同埋兜嚟兜去，足足需要75分钟先可以到达😅 所以如果打算坐巴士玩马耳他，一日入边最多只能够安排两个景点👀想同我一样坐巴士环岛，咁就起码要有五日或者以上嘅日子比较适合～ 蓝洞位于本岛，坐巴士可以响Panorama站落车，先去观景平台，景色有少少似冲绳嘅万座毛。之后沿着车路行落去大约10分钟，就可以坐小船仔进入蓝洞参观，船仔8欧一人。船夫沿途会讲解，会停几个山窿，蓝洞内嘅海水颜色好似漱口水咁蓝～

之后再坐巴士去丁利悬崖Dingli cliff，呢度系睇日落嘅胜地，可惜当日黄昏时分乌云密布，乜嘢太阳都睇唔到呀，仲要劲大风劲冻😅无奈地唯有等巴士走人..返回住宿嘅旺区斯利马。

第一日喺斯利马海滨大道食咗两间西餐厅， Portopalo及Cafe Sicilia Malta，千祈唔好去🤮都系食吓海鲜意粉同埋Pizza之类，谁不知真系好失望，明明评分有四点几，都唔知佢点样呃返来，难食到飞起啊！意粉又咸又硬，咸到啲盐好似唔驶钱嗰只，pizza系湿架😅之后再试左几间餐厅都系有咁嘅情况，睇嚟佢哋系钟意极重口味🤦🏾‍♀️

总结来讲，第一日落机之后嘅行程就比较轻松简单～轻轻松松睇风景就过咗半日👀

是日三人总消费

18/10 斯利马 巴士7天任坐套票 EUR 63 ^{(CNY 478)} 午餐 Portopalo EUR 59 ^{(CNY 448)} 细水两支 EUR 2 ^{(CNY 15)} Blue grotto EUR 24 ^{(CNY 182)} 晚餐 Cafe Sicilia Malta EUR 36.1 ^{(CNY 274)} Supermarket 大水两支+苹果及糖果 EUR 2.1 ^{(CNY 16)} The seafront tower 住宿两晚 EUR 118 ^{(CNY 895)} Total EUR 304.2 ^{(CNY 2,308)}