住进举重选手的家
@ Guest House Shota

从亚格关口过境格鲁吉亚之后，坐的士直奔西格纳吉（$50GEL ^{(CNY 132)}，50公里)，去到入住嘅举重选手民宿～ 我选择呢间民宿系因为佢有个风景超好嘅大露台，价钱都唔贵，约$260港币三人房含早餐，独立卫浴，位置都可以(小镇唔大，去边都可以行路)，唯一唔好系距离巴士站远d同要系咁爬坡。 屋主夫妇友善好客，男屋主后生嘅时候原来系国家举重选手，破左欧洲纪录嗰只（340kg😵😵）赢过好多大大小小嘅比赛，屋企好似博物馆咁有个房间专门放佢嘅奖杯🏆好劲呀！ 我地一到达，就请我哋饮自酿嘅红酒（呢个小镇系红酒嘅发源地🍷），品酒我唔识，不过饮落觉得味道好唔同，好香几甜几好饮～～ 另外，第二朝个早餐好丰富，帮我地准备左成枱食物，有几道格鲁吉亚传统食物，大型小笼包同埋一只芝士肉碎炸春卷～诚意十足！ 个露台真系超正，望住山村景色，正对面嘅山峦就系俄罗斯同埋阿塞拜疆嘅边界～ 我对呢个住宿好满意呀👍🏼👍🏼👍🏼