2020年10月28日
南丫岛避疫 — 大湾肚沙滩
@ 榕树湾发展码头 (旧码头)
香港榕树湾
码头
一二三四五六日全日
趁第四波疫情未到来，请假于闲日带囝囝去离岛行山，放电加锻炼！
行程
适逢term break，不用计划下一家三口游南丫岛一日。上昼8:35 于中环四号码头登船，好在交通畅顺，唔驶得两个钟头之后嗰班。仔仔第一次坐双体船，虽然有啲头晕，不过睇住啲高楼大厦同岛仔，半个钟头船程唔算太难过。
喺仔仔问「仲未到既？」一万次后，终于落船。
太好喇，索罟湾码头有个小型游乐场，小朋友大朋友都可以玩滑梯refresh下。
930正式启程行山路行向榕树湾。开头一段路都系平路，沿海岸线前行，沿途睇到彼岸港岛南区住宅大厦错落。囝囝睇住丛间飞舞嘅蝴蝶，或是溪水间的蜻蜓，或是地上的蜈蚣，自得其乐。
对于我地一家三口，神风洞，天后庙或者豆腐花店都系擦身而过。目的地就只有一个 — 沙滩堆沙！
行左半个钟就已经去到山顶，可以回头远眺起步码头的环境。当囝囝开始表现疲态之时，竟然撞到学校的老师正在跑山路。就系呢个原因，我地囝囝多左一股动力，全程由去揾沙滩变成要追赶前面的导师。本来仲惆怅无带零食之苦，结果好顺利，个半钟头就到左沙滩。
玩左一阵，就行左20分钟去榕树湾揾午餐。因为发哥，见到Sam Pan 餐厅同点心车就坐低啦。未到十二点就已经好攰，但胃口依然好好。餐厅望住码头同海边揾食的麻雀，其实左真系relaxing......
（大人）未食完小朋友已经急不可待嚷住要返去沙滩。今日雨天，最后玩左一个钟就要冒雨离开啦。
3:45pm — 回程
特别鸣谢Ms Chen，如果唔系佢同朋友介绍，都唔识得去揾无封嘅dogs beach！
全程开支
$426: 点心 lunch-$240 ，Milkshakex2 -$76，船费 2大1小 -$78，水加一盒麦提莎-$32
贴士
带定干粮，上昼所有店舖都无开；
去程坐上层睇风景，回程坐下层瞓觉定好多）船同细路仔都系）；
Google Map 加沿途的水牌已经够用，唔驶另备地图；
食点心得一轮，12点先order都已经迟。