可汗夏宮🕌我哋就係人肉景點喇🙈
@ Palace of Shaki Khans Şəki Xan Sarayı

舍基除咗琴日介紹嘅古堡驛站之外，另一重要景點就係可汗夏宮 (palace of shaki khans)，係以前皇后同國王宴請賓客嘅地方，修建於1762年。宮殿唔係好大，內部彩色玻璃窗及壁畫非常精緻，尤其陽光透過彩色玻璃照入室內，頭像唔同嘅彩色光芒，好靚！不過可惜入面唔俾影相～但門票好平值得一睇，我哋被誤會係學生只係收咗$1AZD（港幣$4.6）入場費😛 歷史或者內容嗰啲都唔多講了，宮殿唔大好快睇完，仲有職員分流介紹非常專業，唔會人迫人。我哋睇完就喺宮殿外邊影吓相，誰不知引起一陣騷動😅 當日係兒童節，有不少家長帶同小朋友去參觀，然後見到我哋三個亞洲藉女子，可能佢哋好少見到，突然間有人將BB塞比我朋友抱住強行拍照😂 然後我哋三個就分別成為人肉布景板景點，同好多當地人排隊合照及selfie 😂場面實在係好搞笑，有一個好靚女嘅妹妹之後企左係我哋身邊度行吓行吓，但係又唔敢出聲，之後佢突然間深呼吸一口氣，鼓起勇氣同我哋hello，原來又想影相，影完相好就熱情咁拖住我隻手，介紹返佢啲屋企人～～ 啊，真係好鍾意阿塞拜疆人，熱情友善到我唔識形容😌