一、懷著緊張心情出發

今次由於時間關係，沒有去平壤，主要去新義洲。要去北韓基本上一定要參加內地的旅行社，而去新義州方法只得一個：首先你要飛沈陽，之後搭高鐵落丹東，再由丹東出境去新義洲。 當天早上約七時半就行到丹東關口會合領隊，未到達已經有人兜售文具，我們本身不以為然，之後領隊話一陣係俾小朋友表演的獎勵。聽完後當然要買啦，但之後領隊告訴我們不要拆開分俾小朋友，一陣你分得不夠清楚就會影響小朋友的自尊心，所以去到北韓你分給他們的老師就行了。後來才發現，那些老師並沒有打算將文具分給小朋友。雖然未經證實，但我懷疑他們將文具收集後，原封不動下將它們交回今天賣文具的人再賺錢。 之後領隊同我們briefing，首先要全程都要跟從指示，其次係不能帶手機，就算只係拎相機，都唔可以隨便拍攝，就算俾拍攝，都只可以揀靚的地方去影。而靚的地方則由北韓官員評定。而當中最攪笑其中一項係買野唔俾講價，俾錢要雙手奉上以示禮貌，因為朝鮮人都好重自尊心的。當然，同團的內地人購物時都無理會，只係大吵大嚷瘋狂購物。而我觀察朝鮮人未如領隊講到咁玻璃心，都會客氣咁招待他們。 連埋過關大約等了個半至兩小時，就由丹東出境，乘坐旅行車穿過鴨綠江橋到達目的地新義洲，而我的心情亦開始緊張。