《埃及‧隨想隨寫》- 重生的圖書館

講起埃及，好多人會聯想金字塔、獅身人面像、阿布辛貝神殿等，但好少人會提及亞歷山大港的景點，尤其裏面的圖書館。雖然亞歷山大港係埃及第二大城市，但係由於景點比較少，而且位於開羅北部，如果要去亞歷山大港就要用多一倍時間回程，所以好多遊客會放棄呢個地方而繼續向南玩。 而小編就覺得亞歷山大港都好值得去，尤其要參觀亞歷山大圖書館。亞歷山大圖書館本身係希臘時代公元前259年由托勒密一世創建，為世界上第一個圖書館，可惜之後因為戰爭而摧毀左。直至1989年先決定重建，並於2002年由前總統穆巴拉克主持下「重生」開館。小編覺得亞歷山大圖書館值得參觀除左係歷史意義外，它的現代化建築風格更加係埃及中難能可貴。由於埃及周圍都係沙漠地帶，所以好多地方都會受到風沙影響而令建築物望似比較「古舊」的感覺。而亞歷山大圖書館就唔同，或者佢近海邊，所以無乜受風沙影響，基本上同平時現代建築無異，仲有一幅文明牆令小編印象深刻，刻上來自唔同國家的文字，象徵人類古代文明的復興。 如果你上網搵亞歷山大圖書館的英文，你會發現佢唔係叫 「Library of Alexandrina」，而係叫「Bibliotheca Alexandrina」。原來「Bibliotheca」係希臘文解藏書閣的意思，用以解釋藏書量之多，以及它對傳播文明的重要性。