順化皇城歷史之：又係你呀，阮生?
@ 順化皇城 Kinh thành Huế

首先係為左防止前朝國民因懷念舊朝而有謀反之心。第一次出現係1232年李朝被陳朝所滅，之後下令所有姓李的國民全部要轉姓阮。其後係胡朝及莫朝都係出現呢個情況，將前朝的子孫迫姓阮。 另一原因係中後期間經歷了阮朗約140年的統治，如果計埋莫朝後鄭阮紛爭時期的阮氏廣南國，足足超過380年的管治。可見係呢段期間使阮氏的後代更為繁盛。 最後一個原因反而發生係越南成為法國殖民地之後，法國人入主越南後想進行一次全國性的人口普查，查查下發現原來好多人都無姓氏，於是為左方便就將無姓氏的越南人全部改姓阮。 由於多人姓阮，所以越南人好多時唔會叫阮生，反而會直呼其名。例如現任現任越南共產黨中央委員會總書記、國家主席阮富仲，越南人唔會叫阮總書記，而係叫富仲總書記。此外，阮氏對於越南近代歷史發現至為重要，除左之前提及的阮氏廣南國及阮朝外，越南「國父」胡志明其實都係姓阮，原名阮必成，不過後來因要進行革命要改名為胡志明，之後會再詳述有有關胡志明的歷史。 最後要介紹一下阮朝建立的順化皇城，本身歷朝的首都都係河內，由於鄭阮紛爭分裂為南北越，鄭主以河內(昇龍)為首都，而阮主則以順化(富春)為首都，並建立金龍城，為順化皇城的雛型。之後經過阮福映建立阮朝後，繼續定都順化，並仿照北京紫禁城的建構，大規模修建皇宮，就成為今天順化皇城的模樣。

除左順化皇城外，啟定陵亦是另一受歡迎旅遊景點。