隈研吾負建築系列: 太宰府天滿宮Starbucks
@ 星巴克 太宰府天滿宮表參道店 スターバックスコーヒー 太宰府天満宮表参道店

小弟雖然唔係好識建築，但都俾隈研吾的建築風格吸引到。佢推崇的建築風格稱為「負建築」，負並唔係指負面，反而係正負的意思，意指其建築風格不跟大道而行。大致上可分為三個理念。首先要建築物盡量令土地及周圍的環境負擔較輕，認為沈重、厚實的建築已不合時宜。其次係盡量使用天然材料，主要係木材、玻璃、竹及石材，尤其用木材的設計最為人驚歎，並盡量使用當地的原材料。最後，就係天地人合一，建築物盡量做到自然透光、透風，甚至會使用廢料黎當建築原材料，盡量減少浪費，讓建築物作為人與自然融和的媒介，呈現天地之美。 不講不知，2020東京奧運主場館新國立競技場因為設計及嚴重超支問題，引起國內出名建築師爭議，最後首相安倍晉三決定推翻原本方案，重新提案。最後由隈研吾以些微票數擊敗另一建築大師伊東豐雄的方案。設計以明治神宮為靈感來源，以「生命之樹」為主題。同時亦附上「負建築」的風格，屋頂使用大量木材，加上他並不喜歡高樓大廈，所以其建築採用下沈風格，對周圍環境減少壓迫感。 為左繼續尋找隈研吾的建築，下次目標要再番去東京，潮聖中目黑最新設計的Starbucks旗艦店及東京奧運主場館。