馬爾代夫 Eriyadu 及 Thulhagiri 島的海洋生態篇 🐠🐟🐬🐳

不過喺度想講一個重點，馬爾代夫真係要盡早去❗️因為海水嚴重升溫，導致海洋生態情況真係每況愈下，我第一次去係13年，當時海底珊瑚色彩鮮艷，好似仙境咁，超級難忘！到我16年去珊瑚白化情況嚴重，不過白化都仲有得救丫🤔到咗啱啱去，去嘅兩個A級珊瑚礁島，都有一個共通點，硬珊瑚九成都係死架！唔係白化係死埋！啲水熱到佢地煮熟埋呀，全部變成一堆爛石，睇過幾年前嘅YouTube 片同埋幾年前去過對比翻，真係覺得好可惜😪 不過咁講，雖然珊瑚全部都係死嘅，但魚群依然都係冇分別（過幾年就唔知道了），一樣係五顏六色，品種眾多！馬爾代夫依然係好值得去嘅～ 🐠以下比較下兩個島嘅海洋生態🐠

Eriyadu (評分⭐️⭐️⭐️⭐️⭐️)

• 全嗰島都可以游，外圍係一個超大嘅珊瑚礁，全方位都有野睇。橋上望出去就可以見到珊瑚礁，同埋大量魚，岸上睇魚都仲得呀
• 無浪適合新手
• 最多魚睇嘅斷崖部份，由沙灘游出去只需要幾米，完全不費力氣
• 沙灘有海龜
• 碼頭15:30-16:00有護士鯊聚集，可以落水浮潛睇

-reef shark，stingray 都有見到，有時岸上就可以見到，可謂老少咸宜

Thulhagiri (評分⭐️⭐️⭐️)

• 雖然同為A級珊瑚島，但我個人覺得佢值B
• 得半個島有珊瑚礁可以睇嘢，而且珊瑚礁距離沙灘比較遠，近沙灘冇乜嘢可以睇。想睇魚就大膽游出去啦！
• 適合有經驗嘅浮潛者，因為游出斷崖方向浪大而且遠(沙灘旁邊小碼頭浮波及紅色柱位置開始，向右邊游最多野睇）
• 好多魔鬼魚，不過要游好出先睇到
• 魚群都好多，仲有見到reef shark🦈 (不過鯊魚游好遠的，無eriyadu嗰啲咁親民)

⭕️小提示⭕️ 馬爾代夫租浮潛工具好貴㗎，去嘅話記得淘寶買定浮潛三寶先呀！ 平玩馬爾代夫雙島游都講左幾篇，呢一篇應該係最後了～之後就繼續講返伊朗🇮🇷